Kinderlied - S'Katzerl is davo!

Text:

Musik: Werner Meier, Margit Sarholz

Jetzt reinhören und bewerten!

Hörprobe:

Bewertung: Bewertungs SternBewertungs SternBewertungs SternBewertungs SternBewertungs Stern

Liedtext

S'Katzerl is davo!

Frau Braun vom zwoaten Stock
Rennt durchs Haus im Morgenrock
Runter, rauf im Dauerlauf
Vom Keller bis zum Speicher nauf

Wo is bloß mei Mieze-Katzerl?
Wo is bloß mei Mimi-Schatzerl?
Fragts an jeda Tür  
Seit siebne in da Früah!    


Ja, was? Ja, wia? Ja, wo? – S‘Katzerl is davo!
Ja, was? Ja, wia? Ja, wo? – Alle wissens scho!
Doch was koana wissen ko:
Im Schrank von da Frau Braun
Do hört ma was, do hört ma …
Do hört ma was Miaun!


Scho rennts im Morgenmantl
Glei zum Bäcker Brandl
Habts Ihr net mei Mimi gseng?
Do sogt de Bäckerin fei streng:     Zwischenspiel: Nanananana!

Mir verkaafa Sahnekuacha!
Katzerl ham do nix zum Suacha!
Daatn d‘Sahne obaschlecka
Kam da Bäcka glei mim Stecka!  Zwischenspiel: Ohohohoh!


Ja, was? Ja, wia? Ja, wo? – S‘Katzerl is davo! …

 

Dann rennt s‘ im Morgenmantl
Glei zum Metzger Grantl
A Katz! De daat ma grad no fehln
Daat ma bloß de Würschtl stehln! Zwischenspiel: Hundeknurren

Dazua knurrt im Hintagrund
Da dicke, böse Metzgahund
Und scho rennt d‘Frau Braun davo
I glaab, mei Katz is anderswo!   Zwischenspiel: Jajajajajaja!
  
Ja, was? Ja, wia? Ja, wo? – S‘Katzerl is davo! …

Dann rennt sie nei zur Polizei
De sogn erst: Des hamma glei!
Doch dann wissens net
Wias Katznfanga geht

Weida zum Herrn Pfarra nacha
Doch der konn do aa nix macha
‘S gangat bloß, des is scho klar
Wann de Katz katholisch waar                                   Zwischenspiel: Kirchenmusik

Ja, was? Ja, wia? Ja, wo? – S‘Katzerl is davo! …

Erst auf d‘Nacht kommt sie nach Haus
Ziagt an Morgenmantl aus
Geht zum Kleiderschrank und do:
Mei, de Mimi! Bin i froh!                                              Zwischenspiel: Mimi!

Doch wer liegt do no dabei?
Kloane Katzerl, siebne glei
Frau Braun muaß bissi woana
Mimi-Mama schleckt de Kloana

Ja, was? Ja, wia? Ja, wo? S‘Katzerl is scho do!
Ja, was? Ja, wia? Ja, wo? Alle wissens scho!
Mei, do samma aber froh!
Im Schrank von da Frau Braun
Do gibts jetz was, do gibts jetz …
Do gibts jetz was zum Schaun!


Liedtext "S'Katzerl is davo!" mit Akkorden gratis drucken & downloaden!



Akkorden und Noten

Liedtext, Akkorde und Noten vom Kinderlied S'Katzerl is davo!