Kinderlied - Beim Bimperlwirt, beim Bamperlwirt (2. Besuch)

Beim Bimperlwirt, beim Bamperlwirt (2. Besuch)

Beim Bimperlwirt, beim Bamperlwirt, do sitzt a greana Specht
13 Würscht hat er verdruckt, jetz is eahm sauschlecht

Bimperl, Bamperl, sabradix!
Doch da Wirt, der denkt si nix!
Bimperl, Bamperl saxndi!
Geh her und hau Di hi!

Beim Bimperlwirt, beim Bamperlwirt, do tanzt a junger Adler
Mit seine neian Haferlschuah den Viechtacher Schuahplattler

Beim Bimperlwirt, beim Bamperlwirt, da sitzt ein Goldfasan
Er moant, er waar recht wichtig und verzählt bloß lauter Schmarrn

Beim Bimperlwirt, beim Bamperlwirt, do wird da Hirsch ganz narrisch
Geh ma weg mit Hirschgulasch, i leb doch vegetarisch!

Beim Bimperlwirt, beim Bamperlwirt, am Stammtisch hockan zwoa
Sture Böck und essn Speck, sonst hams nix zum Doa

Beim Bimperlwirt, beim Bamperlwirt, do sitzt a scheene Schwänin
Koana traut si hi zu ihr, i glaab, sie is a Dänin

Beim Bimperlwirt, beim Bamperlwirt, do kimmt aa grad die Kuah
Im Dirndlgwand, in Stöckerlschuah und mit da Föhnfrisua

Beim Bimperlwirt, beim Bamperlwirt, kimmt da Osterhas vorbei
Wirt, do bring ma an Salat, nur bittschön ohne Ei!