Kinderlied - Servus, i bin da Osterhas

Text:

Musik: Werner Meier

Jetzt reinhören und bewerten!

Hörprobe:

Bewertung: Bewertungs SternBewertungs SternBewertungs SternBewertungs SternBewertungs Stern

Liedtext

Servus, i bin da Osterhas

Servus, i bin da Osterhas und i sogs Eich glei
I mach des da fei net zum Spass, net, dass i mi frei
Weil hoit de faulen Henna bloß gackern aufm Hof
Ja, de woin net rum renna und sie san zu doof
Drum pack i hoit mei Kraxn und lauf zu de Kinda
Ouh! Mei Kreiz und meine Haxn! Der Job is net da gsünda!


Ostern ohne Eier – Was?!
Ja, des waar scho bläd! – Ja!
Owei, owei, oweia!
Des geht hoit einfach net! – Na!

Ostern ohne Eier – Was?!
Ja, des waar scho bläd! – Ja!
Owei, owei, oweia!
Des geht hoit einfach net! – Na!

So schwaar, so schwoar, is da Korb mit Oar!
So schwaar, so schwoar, is da Korb mit Oar!


Oh mei, de Eier omoin, des is scho vertrackt
I bin hoit koa Profi, i bin Autodidakt
Versteck i’s hinterm Busch und beim Tonnenhäusl hintn
Dann werd i wieder gschimpft: De san so schwaar zum Findn!
Leg i’s bloß in Rasen, dann hauts da Rasenmäher zam
Leg i’s auf de Treppn nauf, steigt am End no oana drauf

Ostern ohne Eier …
So schwaar, so schwoar, is da Korb mit Oar!
So schwaar, so schwoar, is da Korb mit Oar!

Alle andern Hasen, de san um die Zeit
In aller Ruah beim Grasen, da packt oan scho da Neid
I schind mi wia a Tier! Mei, was i Eier schlepp!
Kriag net moi was dafüa! Ja, i bin hoit da Depp!
Mei, was soi i macha? Ja, i ghör zu de Bläden!
Ja, des is net zum Lacha! I muaß zum Orthopäden!

Ostern ohne Eier …
So schwaar, so schwoar, is da Korb mit Oar!
So schwaar, so schwoar, is da Korb mit Oar!


Dann am Ostersonntag schau i nachm Oar-Versteckn
Heimlich um die Eckn und durch die Gartenheckn
Und i sieg de Kinda – mei, wias eana gfoin
Meine Ostereier – de hob fei i ogmoin!
Dann spring i auf und nieda, vor Freid durchs greane Gras
Nächsts Jahr komm i wieda! Eier Osterhas

Ostern ohne Eier …
So schwaar, so schwoar, sans gar net de Oar!
So schwaar, so schwoar, sans gar net de Oar!


Der Oanzige, der mi versteht und der kennt si guad aus
Des is mei Freind, dem‘s aa so geht, da guade Nikolaus


Liedtext "Servus, i bin da Osterhas" mit Akkorden gratis drucken & downloaden!



Akkorden und Noten

Liedtext, Akkorde und Noten vom Kinderlied Servus, i bin da Osterhas