Kinderlied - Mei, des konn koana wissen!

Text:

Musik: Werner Meier, Margit Sarholz

Jetzt reinhören und bewerten!

Hörprobe:

Bewertung: Bewertungs SternBewertungs SternBewertungs SternBewertungs SternBewertungs Stern

Liedtext

Mei, des konn koana wissen!

De Katz geht  jeden Abend naus
Strawanzt de ganze Nacht
Kimmt erst in da Friah ins Haus
Was de do woi so macht?


Mei, des konn koana wissen
Weil des koana wissen ko!
Aber wissen, aber wissen
Ja, wissen mecht mas scho!


Mog so a Fisch im Wasser aa
Ab und zua sei Ruah?
Und macht er dann zum Schlaffa aa
Seine Augn zua?

Mei, des konn koana wissen …

Warum werd a Floh net groß?
Ob des woi oana woaß?
Und sog moi, über wos
Meckert bloß de Goaß?

Mei, des konn koana wissen …

Konn a Dackel denn aa woana?
Warum is des Wasser nass?
Was is weniga ois koana?
Und wo wohnt da Osterhas?

Mei, des konn koana wissen …

Kennan Henna wirklich lacha?
Konn a Schneemo denn aa friern?
Konn a Kuah aa Urlaub macha?
Konn a kloana Schoaß scho fliang?

Mei, des konn koana wissen …

Konn a Schmetterling aa küssen?
Warum sogt ma Löwenzahn?
Und mir möchtn so gern wissen:
Konn a Wurm aa Bauchweh ham?

Mei, des konn koana wissen …

Sog, wia schaut des Christkind aus?
Was wiegt a Tütn Luft aso?
Sog moi, muaß da Nikolaus
Aa scho moi aufs Klo?

Mei, des konn koana wissen …


Liedtext "Mei, des konn koana wissen!" mit Akkorden gratis drucken & downloaden!



Akkorden und Noten

Liedtext, Akkorde und Noten vom Kinderlied Mei, des konn koana wissen!