Kinderlied - I woaß net warum, i woaß net wieso

 

Mama und Papa schaun si heit so o
I glaab, dene gehts irgendwia aa aso
Und de sonst oiwei grantig am Fenster rumhängt
Unser Nachbarin hot ma fei Guatln heit gschenkt!

 

 

Am Dorfplatz do stehn heit de Leit so beinand
Und gebn sie ganz einfach olle die Hand
Die muffige Metzgerin sogt sogar heit
Frooohe Weihnachten zu olle Leit

 

 

Dann hock ma uns olle am Kanapee zam
D’Mama, de hot unser Baby im Arm
Des woaß no von nix, aber es gspürt ganz gwiss
Wos für a Tag, für a Tag des heit is

 

 

Mei freche Schwester, ma glaabts ja kaam
De hängt heit fei Strohstern an unsern Baam
Dann liest da Papa die Weihnachtsgschicht vor
Und i flüster da Mama ganz staad ins Ohr

 

 

Und i schau im Kripperl des Jesuskind o
I konns ma net vorstelln, aber es is woi so:
Von so am kloan Baby, do kimmt bis heit
Des bsonderne Gfühl zwischen de Leit!