Kinderlied - Die Kuh, die wollt ins Kino gehn

Text:

Musik: Werner Meier

Jetzt reinhören und bewerten!

Hörprobe:

Bewertung: Bewertungs SternBewertungs SternBewertungs SternBewertungs SternBewertungs Stern

Liedtext

Die Kuh, die wollt ins Kino gehn

I erzähl Euch jetzt a Gschicht
Die werdts ihr mir net glaubn
Und manche sagn sogar
Die Gschicht, des is a Schmarrn!

Des is die Gschicht!
Ja, was für a Gschicht?
Ja, von da Kuah!
Ja, was für a Kuah?

Von der Kuah, die wollt ins Kino gehn
In den neien Film
Da wo's jetzt alle Schlange stehn
Wo's alle eine wolln

I geh heut no ins Kino
Sagt die Kuah zu die andern Küah
Da fangen die andern s’Lacha o
Des glaubn mir dir nia!
Doch die Kuah macht sich scho fertig
Und holt ihr Dirndlgwand
Die andern Küah, die stehn do
Recht saublöd umanand
Doch unser Kuah, die denkt sich
Mei, die meistn Küah san blöd!
Kennan hoit bloß Mili gebn
Was anders kennans net!
So laft die Kuah die Straß entlang
In d'Stadt eine is weit
Um achte geht des Kino o
Sie hat nimma vui Zeit!

Des is die Gschicht!
Ja, was für a Gschicht?
Ja, von da Kuah!
Ja, was für a Kuah?

Von der Kuah …

Auf geht’s Kuah, jetzt schick di
Bloß koa Zeit vertrödeln
Hey, wer kommt denn da daher
Ja, wir sind‘s, die zwei Knödel
Ich bin’s, hey, der Fritz!
Francisco, yo Knödello
Ich bin ja ganz normal
Aber er ist ein Blödello 
Da hält oana am Straßenrand
Schaut wia a Metzga aus!
Grinst mit seinem Schweinegsicht
Aus dem Fenster raus:
I kannt sie ganz leicht mitnehma
Mit eine in die Stadt!
Doch da sagt die Kuah spontan
Dass sie koa Sitzfleisch hat

Des is die Gschicht!
Ja, was für a Gschicht?
Ja, von da Kuah!
Ja, was für a Kuah?

Von der Kuah …

Hallo Kuh, ich bin’s!
Die Rosa mit dem Roller
Schnell - wie der Wind!  
Ja freili, holler Boller
Wenn du nochmal in die Stadt willst
Nehm ich dich wieder mit
Du weißt ja jetzt kein Schiss mehr
Na, na, jetzt bin i fit
Auf amoi is in da Stadt
Mei, da is ganz schee was los
Straßn, Häuser, Autos
Aber wenig Gras!
Wie wärs Frau Kuah, wolln Sie net auch
Mal mit der U-Bahn fahrn?
Na, des is was fürn Maulwurf
A Kuah fahrt mit da Tram!“

Des is die Gschicht!
Ja, was für a Gschicht?
Ja, von da Kuah!
Ja, was für a Kuah?

Von der Kuah …

So fahrt sie mit der Trambahn
Und da sieht sie a Haus
Da steht davor a Schlange
Des Kino! - I muass raus!
Endlich is im Kino!
Ihr is scho Angst und bang!
Hoffentlich net ausverkauft
Weil die Schlang is lang!
Der Kassier schaut gar net freundlich:
Sie san ja erst fünfeinhalb!
Der Film is erst ab sechse!
Sie san ja no a Kalb!  
Die Kuah is ziemlich traurig
Ja, des is net zum Lacha
Sie setzt sich an a Tischerl hi
Ja mei, was soll ma macha

Des is die Gschicht!
Ja, was für a Gschicht?
Ja, von da Kuah!
Ja, was für a Kuah?

Von der Kuah …

Alle gehns ins Kino nei
Nur unser Kuah bleibt draußt
Sie denkt a scho ans Hoamgeh
Obwohls ihr davor graust!
Da kommt der Karten-Abreiß-Mo:
Sie, i hätt do fei  
In der letzten Reih  
No a Platzerl frei
Vor lauter Freud hat eahm die Kuah
A saftigs Busserl gebn
Da hat eahm die Wange tropft
Da war er ganz danebn
Die Kuah, die sitzt im Kino
Der Film is wunderbar!
Und wissts ihr, was für a Film
Ja, was für a Film des war?  

Des war der Film!
Ja, was für a Film?
Ja, von da Kuah!
Ja, was für a Kuah?

Von der Kuah …


Liedtext "Die Kuh, die wollt ins Kino gehn" mit Akkorden gratis drucken & downloaden!



Akkorden und Noten

Liedtext, Akkorde und Noten vom Kinderlied Die Kuh, die wollt ins Kino gehn